Փորձառության համայնքը (COP) որոշակի ոլորտում
ցանցային հաղորդակցության և անդրազգային մակարդակում գիտելիքի փոխանցման առավել արդյունավետ մոտեցումներից մեկն է:
Այդ նպատակով ստեղծվել է AGREEN փորձառության համայնքը (AGREEN COP)՝ Սևծովյան ավազանում կլիմայի նկատմամբ խելացի գյուղատնտեսության զարգացմանը նպաստելու և աջակցելու համար:
Հայեցակարգը ներդրվել է 1990-ականներին հասարակագետներ Ժան Լավի և Էթյեն Վենգերի կողմից:
Այդ ժամանակից ի վեր այն դարձել է գործելակերպերի և փորձի փոխանակման առավել արդյունավետ եղանակներից մեկը հետաքրքրության նույն ոլորտի մարդկանց շրջանում։
COP-ը կարող է զարգանալ բնական ճանապարհով՝ հաշվի առնելով անդամների ընդհանուր հետաքրքրությունը որոշակի տիրույթում կամ ոլորտում, կամ կարող է ստեղծվել նպատակաուղղված կերպով՝ թիրախավորելով որոշակի ոլորտում գիտելիքի ձեռքբերումը:
Փորձառության համայնքի անդամները սովորաբար լինում են կամ պրակտիկ մասնագետներ, կամ փորձագետներ աշխատանքի միևնույն ոլորտում:
Փորձառության համայնքը խրախուսում է տեղեկատվության ազատ հոսքը իր անդամների միջև՝ նպատակ ունենալով փոխանակել գիտելիք, լավ գործելակերպեր; լուծել խնդիրները և ստեղծել փոխշահավետ հնարավորություններ որոշակի ոլորտում:
AGREEN փորձառության համայնքը Սևծովյան ավազանի տարածաշրջանից մասնագետների խումբ է, ովքեր ունեն հետաքրքրություն և փորձ Սևծովյան ավազանում կլիմայի նկատմամբ խելացի գյուղատնտեսությունը զարգացնելու համար:
AGREEN համայնքը ստեղծվել է AGREEN ծրագրի գործընկերների կողմից և այն միավորում է անհատ հետազոտողների, պրակտիկ մասնագետների, ձեռնարկատերերի և արտադրողների, ինչպես նաև նրանց շահերը ներկայացնող ոլորտային կամ բիզնես կազմակերպություններ (օրինակ՝ պալատներ, կոոպերատիվներ, ասոցիացիաներ և այլն):
AGREEN համայնքը ներկայացված է ծրագրի յուրաքանչյուր գործընկեր երկրում՝ ունենալով ազգային մակարդակում կոնտակտային կետեր: Այդպիսի կոնտակտային կետեր ստեղծվել են Բուլղարիայում, Ռումինիայում, Թուրքիայում, Վրաստանում, Հայաստանում և Հունաստանում։ Դրանք պահպանվում են փորձառության համայնքի համակարգողների և համայնքի անդամների կողմից (ծրագրի գործընկերների կողմից նշանակված փորձագետներ, ովքեր ներգրավված են եղել ծրագրի հիմնական արդյունքների մշակման ժամանակ):
Ծրագրի արդյունքները մշակող փորձագետների միջև անդրազգային համագործակցության համակարգում,
Կլիմայի նկատմամբ խելացի գյուղատնտեսության խթանում տարածաշրջանային, ազգային և միջազգային մակարդակներում,
Սևծովյան ավազանի երկրներում կլիմայի նկատմամբ խելացի գյուղատնտեսության ոլորտում հետազոտությունների և զարգացման աշխատանքների իրականացում,
Սևծովյան ավազանի երկրների համար կլիմային ուղղված խելացի մշակաբույսերի մոդելների մշակում,
AGREEN ինտերնետ-հարթակի զարգացմանը աջակցություն` Սևծովյան ավազանի երկրներում պահպանող և կայուն գյուղատնտեսությամբ զբաղվող արտադրողների հետ կապի հաստատման և նրանց խրախուսման նպատակով,
«Ձեռներեցությունը հանուն Սևծովյան ավազանում կլիմային ուղղված խելացի գյուղատնտեսության» թեմայով վերապատրաստման ծրագրի մշակում և հանձնում։
